Правила святаго поместнаго собора Лаодикийскаго.
1. Свободно и законно соединившимся вторым браком, а не тайно со-
вокупившимся, по прошествии непродолжительнаго времени, и по упражне-
нии в молитвах и посте должно, по снисхождению, даровати общение.
2. Впадающих в различные согрешения, и не пребывающих в молитве,
исповедании и покаянии, и от злых дел совершенно обращающихся, после
того как по мере согрешения дано время покаяния, ради милосердия и
благости Божией, вводити в общение.
3. Недавно крещенных не подобает производити в чин священнический.
4. Посвященные не должны давати в рост и взимати лихву, и так на-
зываемые имиолии, то есть половинный рост.
5. Избрание в церковныя степени не должно быть в присутствии слу-
шающих.
6. Не попускати еретикам, коснеющим в ереси, входити в дом Божий.
7. Обращающихся от ересей, то есть новатиан, или фотиниан, или
четыренадесятников, как оглашенных, так и верных по их мнению, прии-
мати не прежде, как проклянут всякую ересь, особенно же ту, в которой
они находились: и тогда уже глаголемые у них верные, по изучении сим-
вола веры, да будут помазаны святым миром, и тако да причащаются свя-
тых тайн.
8. Обращающихся от ереси так называемых фригов, хотя бы находи-
лись в мнимом у них клире, и величайшими именовались, со всяким тща-
нием оглашати и крестити епископам и пресвитерам церкви.
9. На кладбища всяких еретиков, или в так именуемыя у них мучени-
ческие места, да не будет позволено церковным ходити для молитвы, или
для врачевания. А ходящим, аще суть верные, быть лишенным общения
церковнаго на некое время. Кающихся же и исповедающих, яко согрешили,
приимати в общение.
10. Не должно церковным, без разбора, совокупляти детей своих
брачным союзом с еретиками.
11. Не должно поставляти в церкви так именуемыя пресвитериды
(старицы) или председательницы.
12. Епископов, по суду митрополитов и окрестных епископов, пос-
тавляти в церковное начальство, и притом таких, которые с давнего
времени испытаны в слове веры, и в житии сообразном правому слову.
13. Да не будет позволяемо сборищу народа, избирати имеющих про-
известися во священство.
14. В праздник Пасхи не посылати святых тайн в иные приходы, в
виде благословения.
15. Кроме певцев, состоящих в клире, на амвон входящих и по книге
поющих, не должно иным некоторым пети в церкви. (По изъяснению Валса-
мона, правило сие запрещает мирянам только восходити на амвон и пред-
начинать пение).
16. В субботу читати и Евангелие с другими писаниями.
17. Не должно в церковных собраниях псалмы совокупляти непрерывно
един к другому, но чрез промежуток по паслме быть пению.
18. Едино и тоежде служение молитв долженствует быти всегда, и на
девятом часе и на вечерни. (По изъяснению Валсамона, сие правило пре-
секает безпорядки некоторых, которые на вечерни употребляли, сверх
принятых церковью, или самими составленныя молитвы).
19. Подобает во-первых, по беседах епископских, особо творити мо-
литву об оглашенных, а по изшествии оглашенных, быти молитве о каю-
щихся: когда же и сии приидут под руку, и отыдут, тогда совершати мо-
литвы верных три: едину, то есть первую, в молчании, вторую же и
третью с возглашением исполняти. Посем уже мир подавати, и когда
пресвитеры дадут мир епискпу, тогла и мирянам взаимно мир подавати, и
тако совершати святое приношение. И единым токмо освященным позволено
входити в олтарь, и тамо приобщатися.
20. Не подобает диакону сидети в присутствии пресвитера, но с по-
велением пресвитера сести. Подобно и диаконам, имети честь от иподиа-
конов и от всех причетников.
21. Иподиаконам не подобает быти на месте диаконов, и касатися
священных сосудов.
22. Не дожно низшему служителю церковному орарь носити, ни двери
оставляти.
23. Не должно чтецам или певцам орарь носити, и тако читати и пе-
ти.
24. Не подобает освященному лицу, от пресвитера до диакона, и по-
том кому либо из церковнаго чина, даже до иподиаконов, или чтецов,
или певцев, или заклинателей, или дверников, или из монашескаго чина,
в корчемницу входити.
25. Не подобает иподиакону раздавати хлеб, или благословляти чашу.
26. Не произведенным от епископа, не должно заклинати ни в церк-
вах, ни в домах.
27. Не подобает освященным лицам, или причетникам, или мирянам,
призываемым на трапезу любви, уносити от нея части: ибо сим причиня-
ется оскорбление церковному чину.
28. Не подобает в храмах Господних или в церквах совершати, так
именуемые трапезы любви, и в доме Божием ясти, и возлежание творити.
29. Не подобает христианам иудействовати, и в субботу празднова-
ти, но делати им в сей день: а день воскресный преимущественно празд-
новати, аще могут, яко христианам. Аще же обрящутся иудействующие: да
будут анафема от Христа.
30. Не подобает освященному лицу, или причетнику, или монаху мы-
тися в бане с женами, ниже всякому христианину или мирянину: ибо сие
есть первое обвинение от язычников.
31. Не подобает со всяким еретиком заключати брачный союз, или
отдавати таковым сынов или дщерей, но паче брати от них, аще обещают-
ся христианами быти.
32. Не подобает от еретиков принимати благословения, которые суть
суесловия паче, нежели благословения.
33. Не подобает молитися с еретиком или отщепенцем.
34. Всякому христианину не подобает оставляти мучеников Христо-
вых, и отходити ко лжемученикам, которые, то есть, у еретиков нахо-
дятся, или сами еретиками были. Ибо сии удалены от Бога: того ради
прибегающие к ним да будут под клятвою.
35. Не подобает христианам оставляти церковь Божию, и отходити, и
ангелов именовати, и творити собрания. Сие отвержено. Того ради, аще
кто обрящется упражняющимся в таковом тайном идолослужении, да будет
анафема: понеже оставил Господа нашего Иисуса Христа, Сына Божия, и
приступил к идолосдужению. (Осуждаются еретики, не молящиеся Богу и
Христу, а только ангелам, аки бы творцам и правителям мира).
36. Не подобает освященным или причетникам, быти волшебниками,
или обаятелями, или числогадателями, или астрологами, или делати так
именуемыя предохранилища, которыя суть узы душ их. Носящих же оныя
повелели мы извергати из церкви.
37. Не должно принимати праздничныя дары, посылаемыя от иудеев,
или еретиков, ниже праздновати с ними.
38. Не должно принимати от иудеев опресноки, или приобщатися не-
честиям их.
39. Не должно праздновати с язычниками и приобщатися безбожию их.
40. Епископам, на собор призываемым, не подобает небрещи, но ити
и вразумляти, или вразумлятися ко благоустроению церкви, и прочаго.
Аще же пренебрежет таковой, то сам себе обвинит: разве аще по болезни
останется.
41. Освященному, или причетнику не дожно путешествовати без пра-
вильныя граматы от епископа.
42. Освященному, или причетнику не должно путешествовати без по-
веления епископа.
43. Не подобает слугам церковным и на малое время оставляти две-
ри, дабы в молитвословии упражнятися.
44. Не подобает жене в олтарь входити.
45. По двух седмицах четыредесятницы, не должно принимати к кре-
щению. (Правило сие относится к крещению возрастных, которе, по древ-
нему обычаю, совершалось в великую субботу. Кто сначала четыредесят-
ницы, или по краней мере, в течение двух первых недель ея, не изъявил
решительнаго желания приняти крещение, и не начал готовиться: того
правило не позволяет принимать к крещению в сию четыредесятницу, а
ожидать дальнейшаго усмотрения его усердия к вере).
46. Крещаемым должно изучати веру, и в пятый день седмицы давать
ответ епископу, или пресвитерам.
47. В болезни приявшим крещение, и потом получившим здравие, по-
добает изучати веру, и познавати, яко Божественнаго дара сподобился.
48. Подобает просвещавемым быти помазуемым помазанием небесным, и
быти причастникам царствия Божия.
49. Не подобает в четыредесятницу приносити святый хлеб, разве
токмо в субботу, и в день воскресный. (То есть: не должна быть полная
литургия. Но может быть литургия преждеосященных даров, по 52 правилу
шестаго вселенскаго собора).
50. В четверток последния седмицы четыредесятницы не подобает
разрешати пост, и всю четыредесятницу безчествовати: но должно во всю
четыредесятницу поститися с сухоядением.
51. Не подобает в четыредесятницу дни рождения мучеников праздно-
вати, но совершати память святых мучеников в субботы и в дни воскрес-
ные.
52. Не подобает в четыредесятницу совершати браки, или празднова-
ти дни рождения.
53. Не подобает христианам, на браки ходящим, скакати или пляса-
ти, но скромно вечеряти и обедати, как прилично христианам.
54. Не подобает освященным, или причетникам зрети позорищныя
представления на браках или пиршествах: но прежде вхождения позорищ-
ных лиц воставати им и отходити.
55. Не подобает освященным, или причетникам, слагаяся, делати
пиршества, ни даже мирянам.
56. Не подобате прсвитерам прежде входа епископа входити и сидети
в олтаре, но с епископом входити, кроме случая, когда епископ немощен
или в отсутствии.
57. Не подобет в малых градах и селах поставляти епископов, пери-
одеитов (Имя периодеит означает обходящаго. Степению он был пресви-
тер, а должность его была подобна тем, которыя ныне означаются наиме-
нованиями благочиннаго и миссионера): а поставленныя уже прежде, ни-
чего не творити без воли епископа града. Такожде и пресвитерам ничего
не творити без воли епископа.
58. Не подобает епископам, или пресвитерам совершати приношение в
домах.
59. Не подобает в церкви глаголати псалмы не священные, или книги
не определенныя правилом, но токмо в правилах означенныя книги ветха-
го и новаго завета.
60. Читати подобает книги сии, ветхаго завета: 1 Бытие мира. 2
Исход из Египта. 3 Левит. 4 Числа. 5 Второзаконие. 6 Иисус Навин. 7
Судии, Руфь. 8 Есфирь. 9 Царств первая и вторая. 10 Царств третья и
четвертая. 11 Паралипоменон первая и вторая. 12 Ездры первая и вто-
рая. 13 Книга псалмов ста пятидесяти. 14 Притчи Соломона. 15 Екклиси-
аст. 16 Песнь песней. 17 Иов. 18 Дванадесять пророков. 19 Исайя. 20
Иеремия, Варух, плач и послание. 21 Иезекииль. 22 Даниил. Новаго же
Завета, евангелий четыре: от Матфея, от Марка, от Луки, от Иоанна;
Деяния апостольския; посланий соборных седмь сии: Иакова едино, Петра
два, Иоанна три, Иуды едино; Посланий Павловых четыренадесять: к Рим-
лянам едино, к Коринфянам два, к Галатам едино, к Ефесеем едино, к
Колоссаем едино, к Солуняном два, к Евреем едино, к Тимофею два, к
Титу едино, и к Филимону едино.